تسنيم في وقت قصير قدرت تحقق جماهيرية كبيرة بسبب تبنيها للهوية العربية في الترويج لموهبتها وصغر سنها اللي خلاها تكون قريبة من جمهور المؤثرين على السوشيال ميديا
استضافتها برامج كبيرة زي العاشرة مساءً ووضحت فيهم أنها بدأت الغناء باللغة الإنجليزية في سن 12 سنة وإنها درست موسيقى وهندسة الصوت وبتألف أغانيها بنفسها
بدأ ظهورها من خلال منصة التيك توك وبعد فترة مش كبيرة وصل عدد متابعينها عليه لـ3 مليون، ومليون ونص على انستجرام
سنة 2022 تم اختيارها عشان تغني أغنية بطولة العالم لرياضة الشيش اللي كانت مستضيفاها مصر وفي نفس السنة شاركت في أغنية نهاية الدوري الإسباني
يعتبر اختيار تسنيم في مبادرة “صنعتهن إفريقيا، أحبهن العالم” هو حدث فريد لأنها أول مصرية يتم اختيارها ضمن حملات انستجرام عن أفريقيا