الملك رمسيس التاني لما كان عنده 16 سنة قبل ما يتولى حكم مصر أتجوز نفرتاري اللي كانت من عامة الشعب واسم نفرتاري معناه جميلة الجميلات أو حلاوتهم في اللغة العامية المصر ية
وكانت بتعشق التعبد للآله حتحور وكان أقرب مكان للتعبد في منطقة دندرة وكانت بتبعد عن المنطقة اللي عايشة فيها في الأقصر حوالي 100 كيلو متر
ولما تولى رمسيس التاني عرش مصر بنى ليها معبد مخصوص لعبادة الآله حتحور في منطقة أبو سمبل وسماه معبد نفرتاري
وكتب على واجهة المعبد إهداء لزوجته بأن “هذا المعبد أسس للملكة العظيمة التي من أجلها تشرق الشمس”
الملكة نفرتاري ماكنتش الزوجة الوحيدة للملك رمسيس التاني لكن كانت أحب زوجاته اللي وصلوا لـ 24 زوجة أنجب منهم 100 من الأبناء
وأنجب منها 6 أبناء ماحدش منهم تولى عرش مصر لأنهم مش من الدم الملكي لأن نفرتاري ماكنتش من القصر الملكي
وكانت بتحضر مع الملك رمسيس التاني المناسابات الدينية والاحتفالات الرسمية والأحداث السياسية الكبيرة زي معاهدة السلام بين الملك رمسيس والحيثيين
وعشان يأكد الملك رمسيس التاني حبه وأخلاصه لجميلة الجميلات نفرتاري بنى لها مقبرة من أجمل المقابر في البر الغر بي في الأقصر
