سن الجواز المناسب كان بيبدأ من 15 سنة للرجل و12 سنــــة للبنت واللي كان يتأخر عن كده كانوا يزنوا عليه لحد ما يتجوز
مكانش فيه فترة خطوبة وحرقة دم ونكد وهاتلي وكلمني وكل الموضوع كان دبلة دهب كانوا بيسموها حلقة البعث
عقود الزواج اللي تم العثور عليها أثبتت ان الفراعنة كانــــوا بيقدموا المهر من الفضة والقمح ولو مفيش بيقدموا الشعير
العريس كان يفرش البيت كله أما العروسة كانت بتجيب الرفايع برضه زي المرايات والمكاحل والهدوم والتماثيل وحتى شخليلة الطفل
كان فيه قايمة زي دلوقتي لحفظ حقوق الزوجة وكان الزوج ملزم أنه يرجع كل حاجات الزوجة لو انفصلوا وكمان يدفعلها تعويض مادي مناسب
