مع دخول إجازة نص السنة، بتبقى فسحة الأقصر من أجمل الفسح والأجواء اللي ممكن تعيشها في الفترة دي من السنة، بسبب الأماكن الكتير الجميلة وكمان الجو الصافي.
“جنوبي” هتاخدك جولة لأجمل أماكن الفسح في الأقصر:
جزيرة الموز
أجمل الصور اللي ممكن تاخدها في الأقصر هتلاقيها في جزة الموز، هتلاقي الخضرة مع الموز مع النيل لوحة فوتوغرافية بديعة.
البالون الطائر
محافظة الأقصر بتنفرد عن باقي المحافظات بسياحة البالون الطائر، مينفعش تزور الأقصر من غير جولة بالبالون الطائر الصبح بدري للاستمتاع بالمناظر وشروق الشمس ورؤية المعابد ذات الجمال الرائع المهيب على ضفتي نهر النيل.
الحنطور
كمان اللي بيميز الأقصر عربيات الحنطور اللي تعتبر وسيلة تنقل ترفيهية للسياح الأجانب والمصريين لطابعها الخاص والمميز لملامح الحياة المصرية القديمة وسعر جولة الحنطور بيبقى حوالي من 20 إلى 70 جنيهًا.
الممشى السياحي
ولكورنيش النيل في الأقصر طبيعة خلابة لإنك هتقدر تشوف لآثار والحضارة المصرية القديمة وسحر الطبيعة جنبا إلى جنب قدام نهر النيل وطورت الأقصر جزءًا كبيرًا من الكورنيش وحولته لممشى سياحي.
آثار البر الشرقي
يضم البر الشرقي موجود فيه عدد من المواقع السياحية والأثرية الهامة على “معبد الكرنك” ويضم أجمل التماثيل والنقوش الأثرية اللي تعود لعصور فرعونية مختلفة وكمان معبد الأقصر اللي تأسس سنة 1400 قبل الميلاد هو من أحسن المعابد المصرية حفظا وأجملها بناء وفيه يتجلى تخطيط المعبد المصري أوضح ما يكون.
ويضم البر الشرقي طريق الكباش الفرعوني الذي يربط بين المعبدين بطول 2.7 كيلو متر إضافة إلى متحفي التحنيط والأقصر ويضمان مجموعة كبيرة من التحف والقطع الأثرية النادرة.
آثار البر الغربي
ويضم البر الغربي الأقصر مجموعة كبيرة من المواقع الأثرية النادرة التي تقع في بيئة طبيعية ساحرة ومنها علي سبيل المثال وادي الملوك، ومعبد الدير البحري، ووادي الملكات، ودير المدينة، ومعبد الرامسيوم، وتمثالا ممنون.
