“جزيرة الموز” من أجمل الأماكن اللي ممكن تزورها في الأقصر، سياحة خاصة من نوع مختلف لعشاق المناظر الطبيعية والخضرة والأشجار والصور اللي بتشبه الصور الريفية الجميلة بمناظر طبيعية خلابة.
من كتر جمال جزيرة الموز بيُطلق عليها “بالي مصر”، ودا لإن دولة بالي مليانة مناظر طبيعية خلابة بجمال لا يُقاوم.
الوصول لجزيرة الموز مش صعب، بيكون عن طريق رحلات المراكب النيلية، يعني هتتفسح في النيل وجماله ثم تروح للخضرة والأشجار، كإنك افسحت مرتين.
مساحة الجزيرة حوالي 5 أفدنة، ومليانة شجر موز ونخل وفواكه غير كدة هي كمان فيها كافيهات ومطاعم وتقدر تقضي اليوم كله هناك براحتك، وتتصور زي مانت عايز.
