أثارت الفنانة سمية الخشاب الجدل بعد تصر يحاتها لطلبة ثانوية عامة على موقع “X” اللي بتقولهم فيها “الجو حر ملخصات إيه أسقطوا وخلاص”.. إيه الحكاية؟
نشرت سمية الخشاب تغريدة على منصة إكس بتقول فيها «التعليم مبيحددش لا مصير ولا نيلة، بتعرف تجيب فلوس هتتجوز وتسافر، مبتعرفش يبقي الشهادة هتقرطسها وتحط فيها طعمية».
أثارت تصريحاتها ردود أفعال غاضبة من الطلاب والأهالي وردت عليهم أن حلم كل أم وأب يشوفوا ولادهم دكاترة أو مهندسين وهو تصور غلط لأن البلد محتاجة تخصصات مختلفة
استشهدت برأيها ده بتجربتها وقالت أنها محستش أنها حققت حاجة بعد تخرجها من كلية التجارة وشغلها في السياحة غير لما اتجهت للفن وقالت أن الشهادة عملناها قراطيس
كملت كلامها أن كليات القمة ده تفكير خاطئ وأنه فيه دكاتره كتير ومهندسين مش موفقين في الشغل وفي محاسبين ومحاميين بيكسبوا ملايين في السنة
قالت كمان إن سبب دعمها للطلاب سنويا أنها بتبقى حاسة بيهم وبيصعبوا عليها وأنها عاشت التجربة دي وكانت بتبقى متوترة جدا
