صناعة الجبنة القريش
عادات كتير في صعيدنا تخص الأكل زي صناعة الأجبان والزبدة والسمن البلدي لسه سيدات البيوت بتحافظ عليها واللي حابين نكلمكم عن صناعتها في البيت باختصار
عملية إنتاج الجبنة القريش واللي بتبتدي بعد الحصول على وش اللبن وتجميعه في علبة بيتم وضعها على نار هادية لحد ما تتماسك في بعضها
بعديها بنغطي الحلة بقطعة قماش وتتساب لمدة متقلش عن ساعتين لحد ما يتم فصل طبقة سميكة عن الطبقة السايلة من اللبن
بعد كده عملية تنشيف الجبنة أننا بنضعها في مصفاية فيها قطعة شاش ويوضع فوقها شئ له وزن تقيل لحد ما تصفي الميه االلي فيها
في بعض الأماكن بيتم وضعها في قطعة قماش في الشمس لحد ما تصفى وتصبح جبنة بتتقسم بعدها لقوالب وتتساب في التلاجة
صناعة السمنة البلدي
في صناعة السمنة البلدي بنقوم بحلب الجاموسة وبنسيب كمية اللبن في التلاجة لمدة يومين تقريباً
بعديها بنضع اللبن في حلة درجة حرارتها عالية علشان يتخمر شوية ويخرج وش اللبن عشان يوضع داخل برطمان مناسب
بعد كده بنقوم بالخض من خلال تحريك البرطمان بالأيدين عشان تتجمع كتلة واحدة، وبنحطها فى ميه باردة عشان تتجمد وتتماسك
بنلاقيها في الآخر عبارة عن كرة كبيرة من السمن البلدى، بنحطها بعدها على النار لعدة دقائق لتخرج السمن البلدى والزبدة المميزة
