أول حاجة بنغسل القمح بالمية عشان ينضف من الطين والحصى وبنسلقه وبنفرده على قماش أو حصير نضيف تحت الشمس لـحـد ما يجف من المياه
بناخد البليلة للمطحنة عشان ندش البليلة “نكسرها” لكن مش بنطحنها عشان ما تتحولش لدقيق
بننقع القمح المدشوش في لبن حامض يوم كامل ونغطيه بشاش عشان القمح يمتص اللبن الحامض
بنقرص القمح على شكل دواير صغيرة ونسيبها تـحت الشمس عشان ينشف ونعبيه في علبة خشب
بننقع كمية من الكشك في مية عشان يبقى طري ونصفيه بعد كده ونسويه مع البيض وممكن نضيف فلفل وخضروات عليه زي الطماطم والخيار
بناخد كمية من الكشك ونحطه في شربة اللحمة أو الفراخ لحد ما يدوب ويتحول لشربه وبنحط معاه بصل محمر وتوابل وبتتاكل مع العيش الطري أو المتحمص
