«تقديم العلبة» وهو عبارة عن مبلغ من 50 إلى 80 ألف جنيه بيقدمه العريس للعروسة لمساعدتها في جهازها واللي بيسمى أحيانا بـ «عشا العروسة» في سوهاج
يوجد أيضاً اعتقاد سائد في بعض قرى الصعيد أن اللبن بيفك النحس علشان كده هتلاقي سيدة من أهل العروسة ماسكة كوباية لبن وبتشربه للعروسين ولكونه فال أبيض
استحمام العريس بالحنة في مركز إسنا بالأقصر من خلال تلطيخ جسده بالكامل بها بمساعدة أهله وأصدقائه وسط أجواء من الفرحة الكبيرة تعتبر عادة متوارثة ومهمة جداً
«الوسويسة» وهي وجبة بتتكون من 50 جوز حمام و2 ذكر رومي و10 ذكر بط وعديد من صواني المكرونة والكفتة والكبدة بتقدم للعروسين على مدار أيام بقرى سوهاج
«فلوس الصينية» عادة من قرى أسيوط وفيها بتدخل الفتاة شايلة صينية الشاي وإذا عجبت الخاطب بيسيب على الصينية مبلغ ميقلش عن 10 آلاف جنيه أو خاتم ذهب حسب مقدرته
في قرية نجع الخولي بمركز دشنا بقنا، بيقوم أهل العروسة بتقديم 210 فرد حمام في أيام صباحية العروسة وعشائها وفي حالة نقصان عدد الحمام بتتعرض العروسة للتنمر
«خبيز العروسة» وده شرط بيدفع فيه العريس فى قرى سوهاج من 30 إلى 50 ألف جنيه علشان وجبة عشاء العروسة وبتضم مخبوزات زي «البسكويت والبتي فور والناعم والغريبة»
في النوبة كان بيقوم أهل العروسة يوم كتب الكتاب باختبار قوة العريس وبينهالوا على العريس بالضرب فلو هرب فهو زوج غير صالح ولو صمد أمام الضرب فهو زوج مناسب
