قرية البرشا بمركز ملوي في محافظة المنيا مشهورة بصناعة الجبنة والتصنيع بيكون في معامل أو في بيوت الأهالي أو بيتم في الغيط
واللبن المستخدم في صناعة الجبنة بيكون لبن جاموسي كامل الدسم لأن اللبن الجاموسي يزود الإنتاج لأن دسمه عال فبيستبعد اللبن البقري
وبتستخدم “المنفحة” في تصنيع الجبنة وهي اللي بتخللي اللبن يجبن وهي نوعين “بلدي” و”إفرنجي” و90 % من الأهالي بيستخدموا المنفحة البلدي
وصناعة الجبنة بالنسبة للأسر مصدر للدخل بيستنوه من السنة للسنة والتصنيع بيتم بشكل طبيعي وبدون أي مكسبات طعم أو لون
بيبدأ موسم الجبنة من شهر 12 لحد شهر 2 وبيتم فيه تصنيع الجبنة اللي بيوزعوها التجار داخل مصر وبيصدروها لأمريكا وفرنسا وكندا
