أمبارح فاز مشروع “إعادة إحياء مدينة إسنا التاريخية” بجائزة الأغا خان للعمارة لسنة 2025 والفوز ده بيرجع مصر تاني للخريطة العالمية للعمارة.. بعد أكتر من 20 سنة من آخر فوز بمكتبة الإسكندرية سنة 2004
والمشروع شمل ترميم وكالة الجداوي الأثرية وفتحها للجمهور لأول مرة منذ أكثر من 70 عامًا وتطوير سوق القيسارية بالتعاون مع الأهالي وتحسين موقع معبد خنوم وترميم استراحة الملك فاروق وتجديد واجهات العديد من المباني التاريخية
المشروع ما وقفش عند ترميم المباني بس لكن كمان اشتغل على الناس نفسهم.. وفر فرص عمل ودرب أكتر من 400 شاب وبنت على الحرف والترميم والسياحة
كمان “إعادة إحياء مدينة إسنا التاريخية” وثق مباني وأكلات تراثية وبدأت مشاريع صغيرة للستات زي “مطبخ أوكرا” وده فتح أبواب جديدة للشباب والنساء في المجتمع
والمشروع ده خلّى عدد زوار إسنا يزيد 3 مرات وحولها من مدينة معروفة بس بمعبد خنوم لوجهة سياحية وثقافية غنية بتاريخ من العصور اليونانية والرومانية لحد العصر الحديث
جائزة الآغا خان للعمارة تأسست سنة 1977 بمبادرة من الأمير كريم آغا خان وهدفها تكريم المشاريع اللي بتوازن بين العمارة المميزة واحتياجات المجتمع ومصر فازت بيها 7 مرات وآخرهم متحف النوبة 2001 ومكتبة الإسكندرية 2004