مهرجان أسوان لأفلام المرأة هو مهرجان بيتعمل في أسوان كل سنة وبيركز بشكل أساسي على عرض الأفلام المتعلقة بقضايا المرأة بهدف إبراز دورها في المجتمع وتسليط الضوء على أهم القضايا والتحديات اللي بتواجهها من جميع أنحاء العالم
وبيستهدف المهرجان أبناء المحافظة من صناع الأفلام الموهوبين وبيتبنى موهبتهم من خلال ورش العمل المختلفة وأهمهم ورشة صناعة الأفلام لفتيات الجنوب اللي قدرت تطلع أفلام شاركت في مهرجانات عالمية زي مهرجان قرطاج
وأعلن رئيس المهرجان محمد عبدالخالق إن السنادي هي الدورة الـ 8 للمهرجان واللي مقرر انعقداها في الفترة من 20 حتى 25 أبريل وتم اختبار الوقت ده تزامنا مع الاحتفال بعيد الربيع
المهرجان هيكون فيه 6 مسابقات وهي:
1_المسابقة الدولية للفيلم الطويل
2_المسابقة الدولية للفيلم القصير
3_ المسابقة الأورومتوسطية لدول البحر المتوسط
4_ مسابقة أفلام الورش
5_ مسابقة الفيلم المصري
6_ مسابقة أفلام ذات أثر
وقال محمد عبدالخالق إن المهرجان السنادي هيعرض أفلام لأول مرة على الشاشات واللي هيكون منها أفلام طويلة وقصيرة بالإضافة كمان إنه هيتعرض أفلام واخدة جوايز في مهرجانات عالمية زي مهرجان كان وبرلين
المهرجان هيحضره ممثلين كبار زي الفنانة غادل عادل اللي تم الإعلان عن تكريمها في دورته الثامنة وكمان تم الإعلان عن تكريم المخرجة المصرية هالة خليل