الفراعنة زمان مكانش عندهم توقعات للطقس فقدروا يخترعوا تقويم سموه أربعينية الشتا قسموا برد الشتاء لـ 40 ليلة وفترته بتمتد من 24 ديسنبر لـ 2 فبراير
أربعينية الشتاء تم تقسيمها إلى 20 ليلة بيضاء و20 ليلة سوداء والفراعنة كانوا بيحبوا الليالي السود لان دي الفترة اللي بتثبت فيها جذور الزرع في الأرض و يبدأ ينبت
أما الليالي البيض فكان بيغلب عليها موجات الصقيع والمطر والبرد الشديد وتكون السحب والغيوم ووجود شبورة أغلب ساعات النهار
بالنسبة للـ ٢٠ ليلة البيض متقسمين ل ١٠ ليالي كوالح من ٢٥ ديسمبر ل ٣ يناير و ١٠ ليالي طوالح من ٤ يناير ل ١٣ يناير وكوالح معناها ليالي كبيسة وطوالح من التعب الشديد
أما ال ٢٠ ليلة السود متقسمين ل ١٠ ليالي موالح من ١٤ يناير ل ٢٣ يناير ، و الصوالح من ٢٤ يناير ل ٢ فبراير وموالح يعني ليها طعم وصوالح يعني انتظار الخير
بعدين بيجي ١٠ ليالي اسمهم ” العزازة ” من ٢ فبراير ل ١١ فبراير الجو بيتقلب ما بين البرد و الدفا ، و بعدين ٣ ليالي اسمهم “عنزة” نسبة لتأثر وضرر العنزات من البرد و آخرهم ١٤ فبراير و بكده ينتهي موسم البرد تماماً
