في مدينة القرنة بالأقصر في عمق جبال البر الغربي موجود معبد حتشبسوت اللي بيمثل قمة الرخاء والازدهار للحضارة الفرعونية… إيه الحكاية؟
معبد حتشبسوت موجود في البر الغربي بالأقصر واللي أمرت ببنائه الملكة حتشبسوت بنت الملك تحتمس الأول وأستغرق بناءه 15 سنة
ويعتبر سننموت رئيس البلاط في عهد الملكة حتشبسوت هو اللي صمم وأشرف على بناء المعبد ومقبرته موجودة تحت الطابق الأول للمعبد
والمعبد بيتكون من 3 طوابق كل طابق ليه شرفة مفتوحة مبنية من الحجر الجيري
وعلى جدران المعبد عشرات النقوش للبعثات البحرية اللي أرسلتها الملكة حتشبسوت لبلاد بونت للتجارة وإحضار البخور من هناك
ومعبد حتشبسوت موجود في منطقة الدير البحري بجوار معابد تانية زي معبد منتوحوتب التاني وتحتمس الثالث والمصريين سموا منطقة المعبد ببيت المليون سنة
وسميت المنطقة بالدير البحري لأن بعد انتشار المسيحية بعد نهاية عهد البطالمة بنى المسيحيين “دير فويبأمون” وكان بيزوره القساوسة فسميت المنطقة على اسمه