مع دخول إجازة نص السنة، بيبقى الجو مناسب جدًا لخروجات وفسح خاصة مع الشمس الدافية اللي بتزين سماء المنيا.
في مزارات سياحية وتاريخية، وفي خروجات في أماكن ممتعة ومشهورة وفي نفس الوقت على قد الإيد ومش مكلفة، “جنوبي” هيعرفك أبرز الأماكن دي:
1.مقابر البهنسا
مقابر البهنسا موجودة في مركز بني مزار، وفيها عدد كبير من مقابر شهداء معركة الفتح الإسلامي للبهنسا، وتُعرف المنطقة بالبقيع الثاني، والدخول مجانا طوال أيام الأسبوع.
2.دير السيدة العذراء
دير السيدة العذراء موجود في منطقة جبل الطير بشرق النيل بمركز سمالوط، وفيه معالم أثرية وتاريخية كتير، والدخول مجانا طول أيام الأسبوع.
3.تونا الجبل
منطقة تونا الجبل موجودة في مركز ملوي جنوب محافظة المنيا، وفيها آثار كتير تعود لفترات تاريخية متنوعة، وسعر تذكرة دخول المنطقة 10 جنيه للفرد العادي، و5 جنيه للطالب.
4.الكورنيش من أشهر الأماكن الترفيهية
كورنيش النيل بالمنيا ممتد على مسافة 10 كيلومترات، ويضم العديد من المسطحات الخضراء والمطاعم والكافيهات، ويعتبر الكورنيش من أشهر الأماكن الترفيهية في محافظة المنيا وهو مفتوح بالمجان على مدار اليوم.
في كمان أماكن جميلة زي متحف ملوي، آثار تل العمارنة، آثار بني حسن الشروق، واللي بتعتبر مناسبة لقضاء وقت ممتع مع الأسرة والأصدقاء، بأسعار رمزية، ما يتناسب مع جميع الميزانيات.
