أنتشر على وسائل التواصل الاجتماعي تفاصيل أزمة بين حارس نادي المنيا ومسؤولي النادي وأتهامات بالاعتداء عليه بالضرب.. إيه الحكاية؟
الحكاية بدأت لما النادي بلغ اللاعب عبد الرحمن صلاح أنه مش موجود مع الفرقة وأن المدير الفني مش عايزه
فسافر اللاعب للنادي عشان ياخد الاستغناء بتاعه لكن مسؤولي النادي قالوا إنه لازم يرجع مقدم العقد اللي أخده من سنتين
وصور الاعب فيديو على الفيس بوك بيقول فيه إن أتنين من مسؤولي النادي حبسوه في مكتب واعتدوا عليه بالضرب
وقال المدير الإداري لنادي المنيا: إن اللاعب رجع بعد غياب سنتين وعايز ينضم للفريق لكن إحنا خلاص استغنينا عنه وطلبنا منه يرد مقدم العقد
وأضاف: أن النادي أستاضفه في سكن النادي لحد مايرد المبلغ وأنهم فوجئوا بفيديو الحارس اللي بيدعي فيه إن إحنا اعتدينا عليه بالضرب
وقال مسؤول في نادي المنيا إن اللاعب وقع على عقد مدته 4 سنين لكنه انقطع في الموسم الأول وماجاش النادي في الموسم التاني
