حكايتنا النهارده عن الملك سقنن رع واللي كان حاكم طيبة من حوالي 3581 سنة واللي تم استفزازه برسالة غريبة أعلن بسببها حربه على الهكسوس أثناء فترة حكمهم لشمال مصر
في إحدى المناسبات قرر الملك أبو فيس وهو حاكم الهكسوس يبعت رسالة محتواها استفزازي وساخر بيطلب فيها من الملك سقنن رع أنه يقتل كل أفراس النهر في طيبة لأن أصواتها العالية مش مخلياه عارف ينام
سقنن رع فهم الرسالة، دي إنها مش شكوى دي إهانة ومحاولة إذلال علنية والرد لازم يكون بالقوة فقام بقيادة جنوده للشمال وترك وراءه زوجته إياح حتب وأبناءه
بعد أيام من الحرب استقبلت عائلة الملك سقنن رع خبر موته وتم تسلم جثته وجمجمته مليئة بضربات مرعبة بالسيوف والفؤوس لكن موته ما راحش هدر العيلة كلها كملت طريقه
ابنه “كامس” كمل الحرب وبعده أبنه “أحمس” لحد ما تمكن من هزيمة الهكسوس وطاردهم حتى فلسطين وأنهى احتلالهم لمصر وسقنن رع فضل في التاريخ أول شهيد مصري في سبيل التحرير
