العالم كل سنة بيحتفل بيوم إفريقيا في 25 مايو والسنادي منصة انستجرام قررت إنها تحتفل باليوم دة بشكل مختلف وعملت حملة سمتها “صنعتهن إفريقيا، أحبهن العالم” واللي بتسلط الضوء على نساء إفريقيات أحدثن تأثير في مجتمعاتهن
الحملة هتتكلم عن 4 سيدات من دول أفريقية مختلفة يتمتعن بمواهب فريدة في مجالات الرياضة والترفيه والموسيقى
وهم إنيولا ألوكو من نيجيريا، بونتل موديسيل من جنوب إفريقيا، فيكتوريا كيماني من كينيا، ولأول مرة تسنيم العايدي من مصر
حملة “صنعتهن إفريقيا، أحبهن العالم” هتكون عبارة عن أفلام قصيرة عن الـ 4 سيدات بيحكوا فيها قصصهم والنجاح اللي حققوه والصعوبات والتحديات اللي واجهتهم في مشوارهم للعالمية
وكجزء من الحملة منصة إنستجرام هتتعاون مع صناع المحتوى المحليين لاستضافة النسخة الثالثة من تحدي المجتمع “#ShareYourAfrica” واللي هيكون عبارة عن ايفنت هيجمع بين صناع المحتوى الأفارقة لعمل حركة توعوية والاحتفال بقيمة أن تكون إفريقياً
