الدكتورة نجوى بكر بنت أسيوط عملت مشروع لتعليم الأكلات الصعيدية في القاهرة
في البداية سافرت الدكتورة نجوى من أسيوط للقاهرة عشان تدرس في كلية الآثار وكملت تعليمها لحد ما حصلت على الدكتوراه
فكرة المشروع جاتلها من الجولات الميدانية اللي كانت بتعملها في الصعيد أثناء دراستها لتراث المرأة وطريقة تفسيره وعرضة فى المتاحف المصرية
والمشروع عبارة عن ورش تعليمية عن الأكلات الصعيدية ومع كل أكله بيكون في حكايات عن تاريخها والمناسبات اللي بتتعمل فيها والأكل بيتعمل بأدوات المطبخ الصعيدي التقليدية
وقالت إن جالها عروض إنها تعمل ورش خارج مصر بالإضافة إنها لما بيكون عندها شغل في المتاحف العالمية بتعمل أكل صعيدي وتقدمه هناك
الدكتورة نجوى شايفة إن المرأة عامل أساسي في نقل التراث وإنها مش هتكتفي بالورش وهتعمل كتاب تتكلم فيه عن الأكل الصعيدي